Радасных, спакойных і пацяшаючых Святаў Божага нараджэння усім парафіянам парафіі Маці Божай Нястомнай дапамогі і усім тым, хто чытае гэтыя радкі.
Каталіцкі публіцыст Джордж Вайгель надоечы напісаў вось гэтыя словы:
” Той, Каго хрысціянства абвяшчае Госпадам і Збаўцам, Той, Хто ў поўнай меры адкрывае і праўду пра Бога, і праўду пра годнасць і лёс нашага чалавецтва, не быў персанажам нейкага «метасвету» віртуальнай рэальнасці, сканструяванай Маркам Цукербергам. Ён быў тут, на гэтай трэцяй планеце Сонечнай сістэмы. І ён па-ранейшаму з намі: у Святым Пісанні, якое абвяшчаецца, , а перадусім у святым хлебе, які ламаецца і дзеліцца.
У той час як постмадэрнісцкі свет губляе ўладу над самымі фундаментальнымі ісцінамі (нават тымі, што ўпісаны ў нашы храмасомы), прыземленасць Раства абвяшчае і святкуе , Боскага Збаўцу, які прыняў цела, які быў немаўляткам, які ўзбагачае і трансфармуе ўсе дадзенасці чалавечага стану”
Няхай Хрыстос народзіцца ў нашых болях і радасцях, учынках і жаданнях, у нашым жыцці
Грэка-каталіцкая парафія Маці Божай Нястомнай Дапамогі 